toki musi pi toki pona



sitelen pi toki musi “o lape”

o lape.

o tawa mi.
o lape.
sina jo e tomo
lon insa pi lawa mi.
pilin mi li supa lape sina.
o lape.


pali ike jan

pali ike jan
li seli e ma ona.
telo li sewi.


tenpo seli pi sike suno

tenpo seli pi sike suno
    la pipi li tawa kasi li unpa e kasi,
    la kasi en pipi li pali e kili mute.
tenpo lili la kili li mama e kasi lili sin.


tenpo sike pi kama lete

tenpo sike pi kama lete
        la lipu lili laso
                li kama jelo,
                li weka tan kasi,
                li anpa.
ale li kama jelo.


kasi li kama suli

kasi li kama suli
tan telo tawa,
li kama kiwen
lon tenpo suli.

kiwen li awen
lon tenpo suli,
li kama pakala
tan telo tawa.

ale li pini
lon tenpo tawa.
tan tenpo tawa la
ale li sin.


mi jan seme?

mi lukin e ale,
        e jan ale,
la mi sona e ni:
        mi lukin e mi.
mi jan seme?

lukin en toki en pilin
        la jan mute li sama mi.
mi jan seme?

ken la mi jan wan ala,
        la mi mute.


sitelen pi toki musi “pan pi sin ala”

pan pi sin ala

mi wile moku e pan suwi ni.

taso pan ni
        li sin ala.
selo pi pan ni
        li sama kiwen.

mi pali e telo seli tan lipu kasi.
telo seli
        li walo laso
        li suwi ala.

mi wile ko e selo kiwen ona.
mi tawa telo e pan suwi.
kiwen li kama ko laso suwi.
mi moku pona e ona.


sitelen pi toki musi “toki pona li esun”

a

a!
a a a!
jan ike li toki e ni:
“mi jan pona”.


sitelen pi toki musi “toki pona li esun”

pipi jelo

tomo pona pi pipi jelo.
pali wawa pi pipi jelo.
mu lili pi pipi jelo.
ko suwi pi pipi jelo.
mute suli pi pipi jelo.
utala wan pi pipi jelo.
pakala tu pi pipi jelo.
ale lili pi pipi jelo.


o kama sona

sina toki,
taso sina sona ala e wile pi toki sina.

toki li jo e wile.
nimi li jo e kon.

o kama sona e ona!