ilo sitelen



sitelen pi ilo sitelen

mi wile pali e seme?

ilo sona 💻 ale li wile toki kepeken toki Inli. ni li ike tawa mi. mi wile pali e ilo sona pi toki pona taso!

tenpo nanpa wan la mi toki e ni tawa mi: mi wile pali seme kepeken ilo mi?

jan Sate li pali e ilo nanpa. ilo nanpa li ken pali e nanpa pi toki pona. ilo ni li pona, musi kin!

mi pilin e ni: mi wile ken sitelen e toki mi kepeken ilo mi.

pilin ni la mi toki ala e ilo sona 💻 lon tenpo kama. mi toki e ilo sitelen! mi wile pali e ilo sitelen.

sitelen pi ilo sitelen

nasin sitelen

tenpo nanpa tu la mi pilin e ni: jan li sitelen e toki pona kepeken supa nena seme?

toki pona li jo e nimi lili, e kalama lili. nena sitelen li ken lili sama!

nena sitelen nanpa wan

ni li musi tawa mi. taso, mi pilin e ni - mi ken lili e ona!

mi pali e nasin sitelen “linja pi kute mute”. kepeken ona la jan li ken sitelen toki pona kepeken nena luka wan!

nasin nena nanpa wan

mi ken kepeken ilo ni kepeken luka wan taso! ni li pona!

ilo lawa en ilo lukin

mi esun e ilo lawa Wapewipi, e ilo lukin ni.

ilo lukin li pona - mi ken pana e sitelen tawa ona:

nena sitelen nanpa wan

mi awen e ilo lawa lon monsi pi ilo lukin. o lukin e ona:

nena sitelen nanpa wan

mi esun e supa nena lili ⌨️ . tenpo kama la mi ante mute e ona, mi pona mute e ona!

nena sitelen nanpa wan

tenpo ni la mi jo e ijo ale. mi ken open e pali!

tenpo nena nanpa wan

supa nena li jo e nena sike. ni li ike tawa mi. mi tawa e nena ante tawa ona, mi pana e sitelen tawa supa ona:

nena sitelen nanpa wan

nena sitelen nanpa wan

ni li pona lili! ni la mi ken awen pali!

sitelen pona

mi pilin e ni - mi wile sitelen lon sitelen pona. tan ni la mi sitelen e nimi ale pi toki pona:

nena sitelen nanpa wan

mi pana e ilo pi nasin sitelen tawa ilo lawa (o lukin e ona lon kulupu Kitu).

ni li musi kin! (ni li musi kin, li pali mute kin 😅 ).

taso, pali li pini ala pini? ala!

mi wile pona e ona:

  • mi wile pana e selo tawa ona.
  • mi wile pona e nena ona.

selo

ilo sitelen li pona kin, taso ona li jo ala e selo:

nena sitelen nanpa wan

mi wile kama sona e ni: selo li ken seme? ni la mi pali e selo nasa kepeken poki mute:

palisa nanpa mute

ni li pona e mi.

jan pona Mitaluka li jo e palisa nanpa mute:

palisa nanpa mute

kepeken ona la mi kama sona e nanpa mute!

palisa nanpa mute

mi pana e nanpa ni tawa ilo pali Pusijonsisisi:

palisa nanpa mute

ilo ni li wawa kin, li pona kin. ona li pana e sitelen tu tawa mi:

palisa nanpa mute

tenpo ni la mi esun e lipu wawa mute.

palisa nanpa mute

mi pilin e ni: mi ken pali e selo pona kepeken ona.

taso, mi lukin pali e selo kepeken ona, la pakala mute li lon:

palisa nanpa mute

mi kama sona e wile pi lipu wawa a a a!

taso, tenpo nanpa tu la ale li pona.

palisa nanpa mute

tenpo ni la ilo selo li pini ala pini? ala!

ma noka pi ilo lukin la ala li lon. mi wile e ni: nimi pi ilo ni li lon ma ni. mi esun e sitelen nimi tan esun Sitema.

palisa nanpa mute

ona li kama lon tomo mi, la mi pana e ona lon noka pi ilo lukin:

palisa nanpa mute

ona li pona tawa mi. selo li pini. pona kin!

nena

nena ni li ike lili tawa mi:

palisa nanpa mute

mi wile pona e ona. taso, kepeken nasin seme?

mi esun e lipu ni:

palisa nanpa mute

mi ken pana e sitelen tawa nena.

taso ni li ike. mi ken weka e sitelen tan nena kepeken luka mi:

palisa nanpa mute

mi wile jo e nena pona. taso, kepeken nasin seme?

jan pona Talamasa mi li toki e ni tawa mi: “mi jo e ilo pi pali kiwen. (ilo ni li ken pali e kiwen tan telo) ilo ni li ken pali e nena! sina pana e lawa nena tawa mi, la mi pali e nena.”

mi kepeken lawa nena tan jan ante. kepeken ona la mi ken pali e lawa pi nena mi:

palisa nanpa mute

palisa nanpa mute

mi pana e lawa ni tawa jan pona mi. ona li pali e ona, li pana e ona tawa mi:

palisa nanpa mute

ona li pona lukin! mi weka e palisa tan ona. mi pana e ona tawa ilo sitelen:

palisa nanpa mute

mi pilin e ni: nena pi kule wan taso li pona lili taso. mi wile pana e kula tawa ona!

mi pana e kula tawa ona kepeken palisa pimeja:

palisa nanpa mute

nasin kule ni li seme?

tenpo nanpa wan la mi pimeja ale e poki nena sewi:

palisa nanpa mute

tenpo nanpa wan la mi weka e ona kepeken lipu pi telo weka Tupensin. taso pimeja li awen lon lupa:

palisa nanpa mute

taso pimeja li awen lon lupa :) ni li pona lukin tawa mi. mi pimeja e nena ale kepeken nasin ni:

palisa nanpa mute

mi pana e ona tawa supa nena, la pali li kama pini. pali pi ilo sitelen li pini!

ilo sitelen li pini!

sitelen pi ilo sitelen

ilo ni li pona kin tawa mi. mi kepeken ona lon tenpo suno ale.

tenpo ni la sina sona e ni: pali pi ilo ni li pali mute. mi wile ala pali e ilo sitelen mute!

pona suli tawa jan Talamasa, tawa jan Mitaluka. ona li pona mute e pali mi, li pana e sona mute tawa mi. pona tawa ona!